Македонија и Австрија ќе се судрат во Данска

Share Button

Ракометните репрезентации на Македонија и Австрија ќе се судрат на Европското ракометно првенство кое наредната година се игра во Данска.

Покрај Македонија и Австрија во групата уште се домаќинот Данска и Чешка.
Македонија и Австрија се судрија во ланскиот бараж за пласман на СП во Шпанија,
кога поуспешна беше македонската селекција.

Натпреварите на ЕП во Данска се играат од 14 до 26 јануари следната година.

Во останатите групи се најдоа: Шпанија, Исланд, Унгарија и Норвешка во групата Б,
Србија, Франција, Полска и Русија во групата Ц, и Хрватска, Црна Гора, Шведска и Белорусија во групата Д.

“МПЦО Св. Наум Охридски“ денес на МТВ

Share Button

Репортажата која Македонската телевизија ја снимаше во Виена како и концертот на Танец по повод 20 годишниот јубилеј на “МПЦО Свети Наум Охридски – Виена“ ќе се емитува денес од 17.40 минути на МРТ 1 и МРТ сат.

Репрзизата со почеток 13 часот ќе биде емитувана во Недела само на МРТ сателитскиот канал.


Повелете во Недела по утринската Литургија, на еден мал пикник каде исто така ќе има и скара и ладни пијалоци, сите заедно во просторите на МПЦО Св. Наум Охридски, да ја гледаме емисијата посветена за нашиот 20 годишен јубилеј.

Децата се запознаваат со Православната вера,традицијата и обичаите

Share Button

Во просториите на МПЦО-,,Св.Наум Охридски’‘ во Виена се одржа третиот час од циклусот часови по веронаука за деца.Дваесетина деца на возраст од 4 до 10 години се дел од одделението кое активно учествуваат на часовите. Часовите ги води Отец Валентин кој на децата им ги доближува вредностите на Православната вера, запознавање со Македонската традиција култура и обичаи.

– Ваквите часови за децата се една скала погоре кон придобивањето на Царството Небесно,со тоа го зголемуваме напредокот и вреднувањето на нашата Православна вера.Имајќи во предвид колку сме далеку од нашата татковина а со тоа и од нашата култура,традиција и обичаи.Неопходно е децата да знаат да ги практикуваат добрите дела, кои што се еден вид храна за душата,и за нормален, поточно кажано Богоугоден живот. (истакнува Отец Валентин), kој смета дека со ваква младина,со вакви деца и генерации нема потреба да стравуваме за иднината на Македонската православна црква и нација.

На часовите по веронаука најважна цел е децата да ја откријат вистината за Бога и вистината за човекот како личност или како што не поучува Св.Атанасиј Велики:,,Бог стана човек за човекот да стане бог.’‘.(истакнува Отец Валентин)

Настојуваме да одржиме што повеќе часови,но не онака, фигуративно. Затоа што целта на секој час е она што го учиме да остане врежано во срцата на децата.Доколку предадената материја од претходниот час не е добро совладана,не се задлабочуваме со нови теми. Но Слава на Бога,согледав голем интерес и интелегентни генерации кои секоја информација ја впиваат брзо и лесно,но исто така се жедни и што повеќе да научат.Од час во час децата разбираат дека животот не е бесмислен,а тоа е наша цел-потенцира Отец Валентин.


На часовите во просториите на МПЦО-,,Св.Наум Охридски’‘ на Сиеменсстрассе 26, 1210 Виена, учествуваат деца од 4 па до 9-10 годишна возраст. Но вратите од Македонското катче во Австриската престолнина се отворени за сите заинтересирани без разлика на возраста.

М.П.

Признание од амбасадата на Република Македонија во Република Австрија

Share Button

ПРОСТУМ И СО ОВАЦИИ, ВИЕНА МУ ОДДАДЕ ПРИЗНАНИЕ НА „ТАНЕЦ“. ПРВИОТ ГОЛЕМ НАСТАП НА КУД „МАКЕДОНКА“ ГИ ОСВОИ СИМПАТИИТЕ НА ПУБЛИКАТА

Првото гостување на националниот македонски ансамбл „Танец“ во Виена претставуваше досега незабележана промоција на македонскиот фолклор во Австрија. Аплаудираа над 500те присутни, од членовите на КУД „Македонка“ во Виена, кои под водство на претседателката, д-р Бети Хохштегер и кореографија на Александар Арабаџиев настапија како пред-изведувачи, па се до амбасадори, почесни конзули, црковни великодостојници и пратеници од австрискиот Парламент.

Повод за гостувањето на „Танец“ беше 20 годишнината од основањето на МПЦ „Св. Наум Охридски“ и „Македонското културно друштво“ во Виена. Во прославата беше вклучена и манифестација во просториите на „Македонската културна заедница“, главен организатор на гостувањето на „Танец“ и на останатите настани поврзани со одбележувањето на јубилејот. За настанокот на МКД говореше претседателот на МКЗ и на МПЦ, Димче Лазовски.
Присутните ги поздрави во име на претседателот Ѓорге Иванов, премиерот Никола Груевски и МНР, Никола Попоски, амбасадорот на РМ во Виена, д-р Ѓорѓи Филипов.
Пред почетокот на манифестацијата се оддржа свечена литургија на која чиноначалствуваше Г. Пимен, Митрополит на Европската епархија на МПЦ, кој даде висока оценка за развојот на МПЦ Св. Наум Охридски“.
Амбасадата на РМ во Виена и благодари на МКЗ и МПЦО СВ. Наум Охридски за организацијата на манифестацијата.

Богослужби Мај/Јуни/Јули

Share Button

Богослужби во МАЈ

† Петок, 17.05.2013г. ВЕЧЕРНА БОГОСЛУЖБА (почеток од 19:00 ч.)

† Недела, 19.05.2013 3-та Недела на мироносиците (Литургија со почеток од 10:00 ч.)

† Петок, 24.05.2013г. Св. Кирил и Методиј (Литургија со почеток од 10:00 ч.)

† Петок, 24.05.2013г. ВЕЧЕРНА БОГОСЛУЖБА (почеток од 19:00 ч.)

† Недела, 26.05.2013г. 4-та Недела на Раслабениот (Литургија со почеток од 10:00 ч.)

Богослужби во ЈУНИ

† Сабота, 01.06.2013г. Св. Литургија на која ќе чиноначалствува Негово Високопреосвештенство Митрополит Европски Г. Пимен заедно со другите свештени лица. (20 г. Јубилеј) (Литургија со почеток од 09:00 ч.)

† Недела, 02.06.2013г. 5-та Недела на Самарјанката (Литургија со почеток од 10:00 ч.)

† Понеделник, 03.06.2013г. Св. Цар Константин и Царица Елена (Литургија со почеток од 10:00 ч.)

† Петок, 07.06.2013г. ВЕЧЕРНА БОГОСЛУЖБА ( почеток од 19:00 ч.)

† Недела, 09.06.2013г. 6-та Недела на Слепиот (Литургија со почеток од 10:00 ч.)

† Четвток, 13.06.2013г. Вознесение Христово – СПАСОВДЕН (Литургија со почеток од 10:00 ч.)

† Петок, 14.06.2013г. ВЕЧЕРНА БОГОСЛУЖБА ( почеток од 19:00 ч.)

† Недела, 16.06.2013г. Недела на Св. Отци (Литургија со почеток од 10:00 ч.)

† Петок, 21.06.2013г. ВЕЧЕРНА БОГОСЛУЖБА СО ПАРАСТОС ( почеток од 19:00 ч.)

† Сабота, 22.06.2013г. Св. заупокоена Литургија по повод Задушница со Парастос (почеток од 10:00 ч.)

† Недела, 23.06.2013г. Слегување на Светиот Дух – Духовден (Св. Тројца) (Литургија со почеток од 10:00 ч.)

† Петок, 28.06.2013г. ВЕЧЕРНА БОГОСЛУЖБА ( почеток од 19:00 ч.)

† Недела, 30.06.2013г. Петрови Поклади (Литургија со почеток од 10:00 ч.)

Богослужби во ЈУЛИ

† Вторник, 02.07.2013г. ПРАЗНИЧНА ВЕЧЕРНА БОГОСЛУЖБА ( почеток од 19:00 ч.)

† Среда, 03.07.2013г. СВЕТИ НАУМ ОХРИДСКИ (Литургија со почеток од 10:00 ч.)

† Петок, 05.07.2013г. ВЕЧЕРНА БОГОСЛУЖБА ( почеток од 19:00 ч.)

† Недела, 07.07.2013г. Раѓање на Св. Јован Крстител -ИВАНДЕН (Литургија со почеток од 10:00 ч.)

† Петок, 12.07.2013г. Св. Ап. Петар и Павле (Литургија со почеток од 10:00 ч.)

† Сабота, 13.07.2013г. Собор на 12 Апостоли – ПАВЛОВДЕН (Литургија со почеток од 10:00 ч.)

† Недела, 14.07.2013г. Св. бесребреници Козма и Дамјан (Литургија со почеток од 10:00 ч.)

Повеќе информации:

Отец Валентин тел. +43 680 2260404

Да се потсетиме на 2009 година

Share Button

ОСВЕТУВАЊЕ НА МАКЕДОНСКА ПРАВОСЛАВНА ЦРКВА ВО ВИЕНА

„СВЕТИ НАУМ ОХРИДСКИ“

Митрополитот Европски г-дин Пимен ја освети црквата “Св.Наум Охридски” во Виена, на тој чин присуствуваа преку 300 Македонци кои живеат и работат во Виена – Австрија.
Свечената литургија и чинот на осветувањето започнаа во 09:30 часот и целата литургија траеше до 11:00 часот, а после тоа имаше голем народен собир во просториите и во дворот на црковното земјиште. Инаку, се работи за два објекта (црква) и додатна сала за свечености и зелени површини (двор ца. 1400 м²).

Присуствуваше и македонската амбасадорка во Виена г-ѓа Весна Борозан, исто така дипломати од македонската амбасада и мисијата на ОБСЕ во Виена.

Свечен говор одржа претседателот на МПЦО “Св.Наум Охридски” Димче Лазовски, а исто така се обратија и Митрополитот Европски г-дин Пимен и амбасадорката г-ѓа Борозан и им го честитаа овој свечен чин.
Се напомена дека после толку години макотрпна работа се дојде до едно македонско парче земја во Виена и сега од ден денешен официјално веќе на тоа тло почнува да работи Македонската православна црква „Св.Наум Охридски“.

Црквата и земјиштето се финансирани со доброволни прилози на членовите на таа црковна општина и на останатите Македонци кои живеат во Виена – Австрија.
Собирот беше збогатен со разни македонски специјалитети и македонска музика и траеше до 17:00 часот.