Изборно Годишно Собрание 2014 год.

Share Button

Недела 23-ти фебруари со почеток од 10:30 часот, беше отслужена СВЕТА АРХИЕРЕЈСКА ЛИТУРГИЈА на која чиноначалствуваше Негово Високопреосвештенство Митрополит Европски Господин Пимен, каде што и воедно беа осветени и двете ново пристигнати икони во нашиот црковен храм.

pi

Годишното изборно собрание започна во 12:30 часот на кое беа присутни 150-на членови.

22

Претседателот г-дин Димче Лазовски го отвори собранието и ги поздрави сите присутните меѓу кој беа Митрополит Европски Господин Пимен и Македонскиот амбасадор во Австрија, д-р Ѓорѓи Филипов кој исто така ги поздрави сите присутни на собранието.

амбасадор

За претседател на работното раководство на собранието беше избран Негово Високопреосвештенство Митрополит Европски Господин Пимен, како оверувачи беа предложени и избрани г-дин Роберт Петрески и г-дин Борче Јанев, како записничари г-дин Борис Лозаноски и г-ѓа Антонета Левковска.

33

– Извештај за работењето на црковниот одбор во изминатиот период – известуваше претседателот г-дин Димче Лазовски за постигнатото во 2013 г.

димче

– За финансискиот извештај известуваше благајникот г-дин Илко Врглески кој беше испечатен пред секој еден присутен на собранието и благајникот Врглески го појасни подетално со конкретни износи.

ile

– Известуваше секретарот г-дин Златко Николоски за административните дејности, постигнатите контакти, остварените комуникации и реализираните манифестации како например концертот на Танец по повод 20 годишнината.

1780619_738128249551193_2061891573_n

– Краткиот извештај од страна на контролниот одбор го појасни г-дин Горан Најдовски.

горан

По излагањето беше отворена дискусија за актуелната состојба на која одговараа членовите на старото раководство.

тања

Пред самата пауза на собранието, црковната општина ја посетија г-дин Крсте Мукоски и градоначалникот на општина Аеродром-Скопје г-дин Ивица Коневски ги информираа иселениците во дијаспората за можностите и важноста на гласање за претседателските избори.

крсте

Одкако си заминаа гостите беа и предложени кандидатите за претседатели на нашата црковна општина.
Како прв кандидат беше предложен стариот претседател г-дин Димче Лазовски а како негов против кандидат беше предложен подпретседателот г-дин Домазетовски Љупчо.

44

По пауза од 30-тина минути започна гласањето со гласачки ливчиња и заокружување на кандидатите.

11

Додека се пребројуваа гласовите паралелно се избраа и членовите на контролниот одбор и советодавен одбор.

66

По пребројаните глесови:
За г-дин Димче Лазовски имаше 59 гласа, додека за г-дин Љупчо Домазетовски 71 гласа.

претседатели
1234

По честитките кон новоизабраниот претседател г-дин Домазетовски беа предложени и избрани новите членови на црковниот управен одбор, кој веднаш по изборот ја потпишаа и положија својата заклетва во црковниот храм.

678

>>> ПОВЕЌЕ ФОТОГРАФИИ ОД ГОДИШНОТО СОБРАНИЕТО … < <<

Роберт П.

ИЗБОРНО ГОДИШНО СОБРАНИЕ НА КОЕ ЌЕ СЕ ИЗБИРА НОВО РАКОВОДСТВО!

Share Button

.
logo mpco

Почитувани браќа и сестри Верници!

Ве известуваме дека во НЕДЕЛА 23.02.2014 12:00ч ќе се одржи годишното членско изборно собрание на нашата црковна општина!
Црковниот управен одбор (ЦУО) ве повикува сите вас – заинтересирани, симпатизери на МПЦ, верници, целокупното членство – редовните членови заедно со почесните и со добротворните членови!
– Нашите заеднички обврски како Македонци во дијаспората најдобро си ги знаеме, а тоа се достоинствено представување на нашето духовно, културно, опшествено и историско наследство на нашата татковина Р. Македонија!
Секој од нас може да придонесе нешто во исполнувањето на тие заеднички обврски!
Секој од нас може да помогне нашата црковна општина во Виена да цути!

И покрај ограничените можности и средства – заедно досега сме постигнале многу:

Во 2009:

– по заедничка одлука: купување на заедничкиот имот на Siemensstr. 26, A-1210 Wien – дадено многубројно ветување за заедничко финансирање од страна на македонските фамилии („согласнот“)
благослов и осветување на црквата, салата и целиот имот од страна на Неговото Високопреосвештенство – Митр. Евроспски Г. Пимен

Во 2010:
реновирање (покрај друго и поставување на топлотна изолација) на црквата и на салата.

Во 2011:

– по заедничка одлука: камен-темелник на додатните простории (кујна, канцеларија, библиотека, стан за свештеник)
– по заедничка одлука: спроведување на дело статутот на МПЦ-ОА – многубројно организирано пристапување кон општината („пристапница“) и дадено ветување за редовна поддршка преку парохијал за одржување на црквата и обезбедување редовни средства за стален свештеник (ЕУР 5,- месечно од возрасен, вработен член)

Во 2012:
осветување на додатните простории од страна на Неговото Високопреосвештенство – Митр. Евроспски Г. Пимен

Во 2013:
– прво поголемо истакнување пред австриската јавност – концерт на ТАНЕЦ по повод 20-годишнината на нашата општина
обезбедување на стален свештеник, нашиот Отец Валентин Ташковски

Заедно можеме уште многу да постигнеме – но прво да се посветиме на нашите не-завршени цели и обврски – бидејќи сме дале збор! Пред се, важна и битна е редовноста! Редовната финансиска поддршка и редовната активност во општината ја представуваат најголемата сила!

– Досегашната дадена помош била и секогаш ќе биде признаена и врежана засекогаш во нашата општинска историја! Ве повикуваме сите вас, кои што сте придонесле веќе многу за развојот на нашата општина да продолжите по тој пат!
– А вас, кои што не сте можеле досега, ве охрабруваме да почнете активно и редовно да ја поддржувате општината!
– Во прилог на ова писмо ви доставуваме и пристапница – доколку веќе сте потпишале и предале пристапница, може да ја користите за ворасните членови на вашето семејство или да ја дадете на вашите пријатели.

>>> ПРЕЗЕТЕМЕ ЈА ПРИСТАПНИЦАТА ТУКА! < <<

Кој има право да присуствува на годишното членско собрание?
– Секој македонец и секој симпатизер на МПЦ-ОА има право да присуствува, да дава предлози и активно да се вклучи во дискусиите.

Кој има право да гласа за дадените предлози и кандидати на годишното членско собрание?
– Секој возрасен кој се наоѓа на списокот на донатори има гласачко право. За да си го оствари своето право лицето треба да е лично присутно.

Кој може да биде избран за член на одбор [Контролен Одбор (КО), Советодавен Одбор (СО) и Црковен Управен Одбор (ЦУО)]?
– Секој возрасен кој се наоѓа на списокот на донатори, со редовно членство (потпишана пристапница) и што почнал со уплата на парохијалот пред најмалку 2 месеци.

Кој може да биде избран/потврден како председател на одбор?
– Секој возрасен кој се наоѓа на списокот на донатори, со редовно членство од најмалку 3 години, досега уплатил финансиски средства најмалку ЕУР 1.000,- и се стекнал со посебни заслуги за црквата.

ДНЕВЕН РЕД

(со благослов од Неговото Високопреосвештенство Митрополитот Европски Г. Пимен)

Општо правило: секое обраќање на раководството ограничено на 5мин; секое прашање од членовите и секој одговор на раководството ограничени на 2мин; максимално уште едно под-прашање.

1) Отворање од страна на председателот на ЦУО Димче ЛАЗОВСКИ

2) Молитва и благослов од Неговото Високопреосвештенство Митрополитот Европски Г. ПИМЕН

3) Избор/потврдување на работното раководство

4) Извештај на председателот за работењето на ЦУО во изминатиот мандат

5) Извештај од страна на благајникот Илко ВРГЛЕВСКИ на ЦУО за финансиската состојба

6)Извештај од страна на секретарот Златко НИКОЛОВСКИ за административните дејности и комуникацијата

7) Извештај од страна на КО (контролниот одбор)

8) Отворена дискусија за актуелната состојба

Старото раководство одговара на прашањата од страна на присутните.

9) Избор на председатели на трите одбори

Секој присутен со гласачко право ќе се легитимира пред работното раководство. По утврденото присуство, тој добива гласачки лист и гласа тајно во кабина. Гласачкиот лист го уфрлува во гласачката кутија.
По избројувањето на дадените гласачки листови (јавно пред сите присутни), работното раководство дава официјална изјава за изборот.

10) Полагање заклетва на ново-избраните председатели на трите одбори

11) Пријавување на членови на трите одбори и нивно потврдување

Пријавените кандидати се прифатени и потврдени од страна на собранието ако нема приговор. Ако има приговор против некое пријавено лице ќе следи гласање.

12) Полагање заклетва на потврдените членови на трите одбори

13) Отворена дискусија за развој на МПЦО Св Наум Охридски – Виена

Новото раководство се представува, ги прима и коментира предлозите од страна на присутните. Новото раководство во рок од една недела мора да одржи конситутивен состанок. Потоа треба да изработи програма за понатамошниот развој и да ја представи пред членството.

Црковен Управен Одбор на
МПЦО Св. Наум Охридски Виена

Хуманоста е она што човекот го прави човек!

Share Button

Хуманитарна акција во Виена наменета за домовите на деца без родители во Македонија!


podari-toplina

Македонската православна црковна општина „Свети Наум Охридски“ Виена, во соработка со ТОНИ ТРАВЕЛ, организираат хуманитарна акција за собирање на облека, обувки и играчки или покуќнина, кои ќе бидат подарени во домови на деца без родители и социјално загрозени семејства.

кебеigracki-za-deca-300x225

За оваа хуманитарна акција во просторите на црковната општина ќе има обезбедено соодветно место за собирање на стварите.

Воедно ве замолуваме секој еден од вас кој сака да биде хуман еве права прилика да се придружите и вие на оваа хуманитарна акција.

Како и каде да го сторите тоа!?

Алиштата треба да бидат исперени, испеглани и здиплени, обувките да се очистени.


obleka-550x272

– Вашите донаците треба да ги донесете во просториите на црквата, каде ние ќе се погрижиме за нивно понатамошно сортирање.

– Петок од 17:00 до 20:00 часот.
– Сабота од 17:00 до 20:00 часот.
– Недела од 10:30 до 15:00 часот.

Да ги отвориме срцата, да покажеме колку МАКЕДОНСКИОТ НАРОД знае да биде хуман, нашата мала помош, некому МНОГУ ЌЕ ЗНАЧИ!


ракаdonateclothes

За повеќе информации обратете се до црковниот одбор,
Тони(травел) или Марина тел: 0676 879 61 55 00
Свештеник: +43 680 2260404
Хуманитарната акција ќе трае неколку недели, додека не бидат собрани доволно ствари!

(подарувањето на сретствата ќе биде документирано и фотографирано)
Адреса: Siemensstrasse 26, 1210 Wien

Богослужби во ДЕКЕМВРИ и ЈАНУАРИ

Share Button

Богослужби во ДЕКЕМВРИ 2013

† Недела, 01.12.2013г.
Св.мч-ци Платон,Роман и Варул – Света Божествена Литургија 10.30 часот

† Вторник, 03.12.2013г.
Претпр.на Воведение;Препод.Григориј Декаполит – празнична Вечерна 19 часот

† Среда ,04.12.2013г.
Воведение на Пресвета БогородицаПречиста – Света Божествена Литургија 10.30 часот

† Сабота, 07.12.2013г.
Св.Екатерина и МеркуријВоскресна (неделна) – Вечерна 19 часот

† Недела, 08.12.2013г.
Св.Климент Охридски Чудотворец – Света Божествена Литургија 10.30 часот

† Недела, 15.12.2013г.
25-та по Педесетница – Света Божествена Литургија 10.30 часот

† Среда, 18.12.2013г.
Преподобен Нектариј Битолски; Св.Сава Осветен – Празнична Вечерна 19.00 часот

† Четврток, 19.12.2013г.
Св. Николај Чудотворец архиепископ Мирликиски – Света Божествена Литургија 10.30 часот

† Недела, 22.12.2013г.
26-та по Педесетница – Света Божествена Литургија 10.30 часот

† Недела, 29.12.2013г.
27-ма по Педесетница – Света Божествена Литургија 10.30 часот

Богослужби во ЈАНУАРИ 2014

† Сабота, 04.01.2014г.
Св.мач-чка Анастасија – Празнична вечерна 19.00 часот

† Недела, 05.01.2014г.
Преподобен Наум Охридски – Света Божествена Литургија 10.30 часот

† Понеделник, 06.01.2014г.
Препод. мч-ка.Евгенија;Препод.Николај Монах (Бадник) – Света Божествена Литургија 10.30 часот

† Вторник, 07.01.2014г.
Рождество Христово – БОЖИК – Света Божествена Литургија 10.30 часот

† Среда, 08.01.2014г.
Собор на Пресвета Богородица – Света Божествена Литургија 10.30 часот

† Четврток, 09.01.2014г.
Св.архиѓакон и првомаченик Стефан – Света Божествена Литургија 10.30 часот

† Понеделник, 13.01.2014г.
Оддание на Божик;Препод.Меланија Римјанка – Празнична Вечерна – 19.00 часот

† Вторник, 14.01.2014г.
Обрезание Господово; св.Василиј Велики; Православна Нова Година – Света Божествена Литургија 10.30 часот

† Сабота, 18.01.2014г.
Водокрст; св.мч-ци Теопемпт и Теона (строг пост) – Света Божествена Литургија 10.30 часот

† Недела, 19.01.2014г.
Богојавление – ВОДИЦИ – Света Божествена Литургија 10.30 часот

† Понеделник, 20.01.2014г.
Собор на св.Јован Крстител – Света Божествена Литургија 10.30 часот

† Недела, 26.01.2014г.
31-ва по Педесетница, – Света Божествена Литургија 10.30 часот

Повеќе информации:

Отец Валентин тел. +43 680 2260404

Детскиот Културен Центар „КАРПОШ“ од Скопје во нашата црковна општина

Share Button

Сабота, 19.10.2013г. на наше големо задоволство гости ќе ни бидат еднo од најдобрите македонски друштва,
ДЕТСКИОТ КУЛТУРЕН ЦЕНТАР „КАРПОШ“ од Скопје и нашата играорна група КУД МАКЕДОНКА заедно со звуците на гајдата, тапанот ора и песни!


logo konc

ОД 18:00 ЧАС. ПРИСТИГАЊЕ НА ГОСТИТЕ И ПОЧЕТОК НА МУЗИЧКАТА ВЕЧЕР СО НАСТАП НА КУД МАКЕДОНКА ОД ВИЕНА!
ПО НАСТАПОТ НА КУД МАКЕДОНКА ЗАЕДНИЧКА ВЕЧЕРА.
20 ЧАСОТ НАСТАП НА ДКЦ „КАРПОШ“ ОД СКОПЈЕ.

Влез: Симболични 5 € + пијалок! (до 18 год. влезот е слободен)



Во нашите простории на: Siemensstrasse 26, 1210 Wien


СВЕТА АРХИЕРЕЙСКА ЛИТУРГИЙА

Share Button

Драги Верници сакаме да ве информираме дека нашиот Митрополит Европски Господин Пимен ќе биде во нашата црковна општина на 14-ти и 15-ти септември.
Во Недела, 15-ти септември со почеток од 10 часот, ќе биде ОТСЛУЖЕНА СВЕТА АРХИЕРЕЙСКА ЛИТУРГИЙА на која ќе чиноначалствува Негово Високопреосвештенство Митрополит Европски Господин Пимен.

После Литургијата во дворот ќе биде осветен и пуштен во употреба новиот бунар (пумпа).


Oд 13 часот заеднички ручек со сите верници во салата, кој ќе биде припремен од
МПЦО Свети Наум Охридски.