ФАНТАСТИЧНА ФОЛКЛОРНА ВЕЧЕР ВО ВИЕНА

Share Button

На 5ти Мај 2012 год. во салата на Македонската културна заедница „Св.Наум Охридски“ од Виена во организација на КУД„Македонка“ пред македонската публика се представија три фолклорни друштва:
– КУД „Македонка“ од Виена, КУД „Братство“ од Росоман/Р.Македонија и КУД „Младост“ од Леоберсдорф/Долна Австрија.

Оваа вечер долго ќе се памети по прикажаните сплетови, ора и песни кој младите игроорци ги прикажаа и заслужено ги освојија срцата и аплаузот од публиката, ниеден присутен не можеше да одолее на звуците на гајдата и тапанот.
Гостите од Македонија беа пречекани во просториите на Siemensstrasse 26, во Петокот на 4ти Мај од страна на членовите и раководството на КУД „Македонка“, каде имаше заедничка свечена вечера и генерална проба за следната вечер. Во доцните часови сите деца и членови на КУД „Братство-Рос“ беа распределени во приватен смештај кај членовите на КУД „Македонка“ ,на ова место ја користам оваа прилика да им се заблагодарам на сите кои учествуваа во оваа реализација и кој помогнаа за сместувањето и превземените обврски спрема децата како и до членовите на МПЦО „Св.Наум Охридски“ и Македонската Културна Заедница во Виена.
Во Саботата од 10:00 часот наутро започна заедничка прошетка низ Шенбрун дворецот на Хабсбуршката монархија и низ Виена.
Тука членовите на двете друштва имаа прилика за заедничко дружење, сликање и меѓусобна комуникација. Вечерта во 18:00 часот зборно место беше Сименсштрасе 26.
Со почеток од 20:00 часот беше закажан заедничкиот концерт на кој се придружија и нашите пријатели од Леоберсдорф КУД „Младост“.
Вечерта ја отвори најмалата група од КУД „Македонка“ која ни се представи со две изведби „Пајдушкото“ и „Весела Гајда“. Публиката видно возбудена од глетката не го штедеше аплаузот и пофалните зборови за најмладите членови кој се на возраст од 5-6 год па нагоре но сепак годините не се пречка да се изучи македонското оро.
КУД „Братство“ од Росоман ни се представи со неколку сплета и тоа:
„Игри од Егејска Македонија“ , „Повардарие“ , „Тутоноберачите“ и на крај „Игри од Пиринска Македонија“
КУД „Македонка“ се представи со „Калајџиското“, „Водарки“ и „Изворни ора во изведба на Дудук и Тамбура„
КУД „Младост“ ни се представија со „Игри од Србија“.
По завршувањето на сплетовите, КУД „Македонка“ како домаќин подели благодарници и поклони од страна на претседателот Борче Јанев до двете друштва а кореографот на „Братство-Рос“ Маријонка Печевска и претставниците на КУД „Младост“ се заблагодарија на прекрасниот пречек, организација и преубавата вечер кај своите сонардоници и приајтели во Виена. „Фолклорот е еден многу добар начин за заедничко дружење и представување на сопствената култура пред јавноста“ беа зборовите на Радиша Тодиќ претседателот на КУД „Младост“.
После официјалниот дел се продолжи со македонски ора и песни се до раните часови а негде околу 01:00 часот заврши прославата.
Следниот ден во Недела се одржа заедничка прошетка низ Пратер, каде членовите последен пат имаа прилика да се дружат заедно а и да се збогуваат. На паркингот каде беше паркиран автобусот се изигра заедничко македонско оро и со тешко срце се разделивме од нашите гости од Македонија со желба и мисла за што поскоро видување и дружење во Македонија или на било кое друго место.
Уште еднаш голема БЛАГОДАРНОСТ до сите оние кои помогнаа на било каков начин и не штедеја време и труд да се реализира овој проект, пред се гоелма Благодарност до членовите на КУД „Братство“ од Росоман кој приредија незаборавна вечер и гордо и со достоинство ги бранеја боите на својата држава Р.Македонија.

Од името на раководството на КУД „Македонка“ од Виена
сите нејзини членови и сите Македонци во Виена
Ѓорѓи Лазовски

ИНФОРМАЦИЈА по ПОВОД ЗАЕДНИЧКИОТ КОНЦЕРТ НА КУД„МАКЕДОНКА“-ВИЕНА СО „БРАТСТВО-РОС“ од РОСОМАН Р.МАКЕДОНИЈА

Share Button

Почитувани членови на кратко сакаме да ве информираме за 3 дневната програма од Петок 4. Мај до Недела 6. Мај 2012 по повод доаќањето на КУД „Братство-Рос“

ПРОГРАМА
Петок, 4.5.2012
15:00 ч. Пристигнување на гостите од Росоман во нашите простории.
Пречек, запознавање и заеднички ручек во дворот или салата зависи од временските услови. Во нашиот редовен термин за проби ке одржиме заедничка проба со „Братство-Рос“ и разменување на информации во врска со фолклорот.
Од 20:00 часот децата се распределуваат по фамилии и вечерта можат да ја поминат во домот на нашите членови или пак да се искористи за заедничка прошетка или излегување низ Виена. Значи слободни активности.

Сабота, 5.5.2012
Во 10:00 часот заедничка прошетка во Шенбрун која би траела до 13:00 часот, после тоа децата се земаат и носат на ручек и се користи денот за индивидуални прошетки низ Виена, шопинг итн… зависи од желбите и можностите.
Во 18:30 се наоѓаме во салата на Сиеменсштрасе и почнуваме со подготовки за концертот.
Од 20:00 до 22:00 време за прикажување на сплетовите
КУД „Македонка“ :
-Водарки –Калајџиското -Јанини игри Настап ќе имаат и јуниорците со свој сплет.
„Братство-Рос“:
-Егејското –Повардарие -Пирински игри -Тутуноберачи

После концертот продолжуваме со забавата со музика во живо за која ќе се погрижи музички состав од Македонија.

Недела, 6.5.2012
Во 12:00 се наоѓаме на Пратер, тука треба да се донесат децата од каде они после прошетката продолжуваат за Македонија.
Сакаме да напомениме дека сместувањето ќе биде во приватни домови и сите трошоци ги сноси фамилијата домаќин. Исто така би ве замолиле за во Неделата да направите мал ланч пакет за секое дете и така на еден љубезен и гостопримлив гест ги испратиме за Македонија.

Фолклорното друштво од Росоман (Р.Македонија) „Братство-Рос“

Share Button

*** П О К А Н А ***

Сабота, 05. Мај 2012 год. св.вмч. Георгиј- ЃУРЃОВДЕН

Во организација на КУД „Македонка“ од Виена и мпцо „Св.Наум Охридски“
ќе ни гостува фолклорното друштво од Росоман (Р.Македонија) „Братство-Рос“,
кое ќе се представи со традиционални македонски ора и песни,
исто така и КУД „Македонка“ ќе има свој настап.
Срдечно ги покануваме сите љубители на македонскиот фолклор,
ора и песни да бидеме побројни и да им дадеме подршка на младите игроорци и амбасадори на македонската народна култура.
После концертот продолжуваме со заедничка прослава со музика во живо,
со традиционална македонска кујна и добра забава.

КУД „Македонка“ освои 3то место!

Share Button

На вчерашниот јубилејен 10.ти по ред „интернационален фолклорен натпревар„ во организација на АНО93 кровно здружение на хрватите во Австрија зема учество како представник на Р.Македонија и КУД„Македонка“ од Виена.

Во голема конкуренција на 10 држави го представија македонскиот традиционален сплет за времето на калајџиите, кога нашите предци во дамнешно време ги калалисувале тепсиите, садовите итн… со „Калајџиското“ се представува и еден дел од македонското народно културно богатсво кое ние го имаме како народ, затоа раководството на КУД „Македонка“ им се заблагодарува пред се на игроорците, потоа на родителите кои со својот ентузијазам и упорност придонесуваат сето ова да биде можно, на македонската културна заедница и црковна општина св.Наум Охридски од Виена, и на дадената подршка од амбасадата на Р.Македонија во Виена на чело со Др.Ѓорѓи Филипов. еше заедно сме посилни, а тоа значи и за нас македонците кои сме тука во Виена, секој еден што може на било каков начин да придонесе за презентација на македонскот фолклор е добродојден. А сега уште една благодарност до децата за освоеното 3то место.