ВЛЕЗНИЦИ ЗА ТАНЕЦ

Share Button


КУПИТЕ И РЕЗРВИРАЈТЕ ВЛЕЗНИЦИ ЗА КОНЦЕРТОТ НА ТАНЕЦ


Влезниците за концертот можете да ги купите преку www.oeticket.com и на касите во:
* ERSTE BANK
* VOLKSBANK
* LIBRO
* MEDIAMARKT
* NIEDERMEYER
* RAIFFEISEN
* SATURN и во сите трафики кој имаат систем: Trafik Plus


Исто така влезниците се продаваат и во просторите на МПЦО Свети Наум Охридски на Siemenststrasse 26, 1210 Wien

– Секој Петок од 16 часот.
– Сабота од 15 часот.
– Недела од 10 часот.

Цена на влезниците:

ВИП влезница: 50.- ЕУР од 2ри до 5ти ред, во цената е вклучен мал коктел со сект и закуска пред концертот.

Обична влезница: 30.- ЕУР од 6ти до 18ти ред.
За студенти до 27 г. и деца од 6 до 18 г. попуст -5 евра, а деца до 6. год. бесплатно без право на сопствено место за седење.

Концерт на ТАНЕЦ во Виена

Share Button

Македонскиот државен ансамбл за народни игри и песни ТАНЕЦ од Скопје,
ќе гостуваат во Виена!
Сабота, 1-ви јуни 2013 организација на МПЦО Свети Наум Охридски и КУД Македонка од Виена.


Почитувани љубители на македонскиот фолклор,

Конечно нашата долгогодишна заедничка желба ќе стане реалност.
Конечно ќе затрепери македонското срце во 7/8, а очите и душата ќе се наполнат со радост и среќа.
Чим звукот на зурлата писне и татнежот на тапанот грмне, започнува тој магичен миг, кога се пред нас станува вечност и извикуваме:

„О тешкото ! …во градиве зошто жал лута ме стиска,
во очиве зошто навирува река
и зошто ми иде да плачам ко дете,
да превијам раце, да прекријам лик –
та гризам јас усни, стегам срце клето,
да не пушти вик.“

Ниедно друго оро од нашата богата фолклорна ризница, не го отсликува така мачното минато, длабоката тага и копнежот за слобода на Македонците, навидум едно обично оро, но со толкава симболика и енергија, нешто дадено со аманет од нашите предци да го чуваме како најсвета тајна.


Премиерно во австриската престолнина ќе имаме можност да им се восхитуваме на заеднички спектакуларен концерт на:

Македонскиот државен ансамбл за народни игри и песни

„ТАНЕЦ“ од Скопје,

и Македонското фолклорно друштво

„МАКЕДОНКА“ од Виена,

на ден Сабота, 1. Јуни 2013 г.

во Festsaal Längenfeldgasse 13-15, 1120 Wien

со почеток од 20:00 часот

Ексклузивна и оригинална изведба на „Тешкото“
и на останатите прекрасни и богати македонски кореографии
незаборавен и спектакуларен концерт за долго сеќавање.



„ТАНЕЦ“ е симбол на македонската култура и уметност, шест децении на своето постоење е амбасадор и презентер на македонското фолклорно творештво кај нас и на сите континенти на земјината топка, подвижен музеј на она најубавото, исконското, непроценливото македонско фолклорно богатство, кое претставува идентитет и историја на македонскиот народ. Првото претставување на ТАНЕЦ надвор од Македонија е на меѓународниот фестивал во Ланголен – Англија во 1950 година, каде Ансамблот добива прва награда. Потврда за успешно презентирање на македонското фолклорно богатство надвор од земјата со во и вон неа над 4500 концерти, фестивали и други културни приредби и со над осум милиони посетители.

КУД „МАКЕДОНКА“ е нашиот единствен македонски фолклорен бисер во Виена, друштвото работи и опстојува веќе од 2005 год., љубовта на децата спрема македонската култура и татковина успеавме со макотрпна работа да ја преточиме во ова друштво и со сопствени сили создадовме цврст темел за сегашните и за идните генерации, кој треба да се зацврстува и надградува. Среќни сме што и во Австрија гордо и успешно се вее македонскиот фолклорен бајрак, несебично помогнати од црковната општина „Св.Наум Охридски“ , нашиот спонзор „Тони Травел“ и ред други помагатели и симпатизери за кои овој простор е премал да ги именуваме но воедно тука јавно им се заблагодаруваме за нивната подршка.

Ве повикуваме овој прекрасен настан заеднички да го прославиме и гордо со кренати глави да ги пречекаме нашите културни амбасадори, да бидеме добри домаќини а салата да ја исполниме до последно место како што треба и прилега за една ваква манифестација.

Од 8ми до 31ви Март 2013 г. влезниците ќе можат директно и ексклузивно да се купат САМО преку црковната општина „Св.Наум Охридски“ или КУД „Македонка“ и на тој начин на Вас ви ги нудиме ексклузивно најубавите места и апелираме што поскоро да си обезбедите карта бидејќи местата се лимитирани на 600, а интересот е преголем.
Од Понеделник, 1ви Април 2013 год. почнува официјалната јавна продажба на преостанатите карти за другите заинтересирани и останатата австриска јавност преку www.oeticket.com

ЦЕНА на влезниците:

ВИП карта: 50.- ЕУР од 2ри до 5ти ред, во цената е вклучен мал коктел со сект и закуска пред концертот.

Обична карта: 30.- ЕУР од 6ти до 18ти ред.
За студенти до 27 г. и деца од 6 до 18 г. попуст -5 евра, а деца до 6. год. бесплатно без право на сопствено место за седење.

КУД МАКЕДОНКА во Словенија

Share Button













(Л.Ѓ.)

*** КОНЦЕРТ НА КУД МАКЕДОНКА *** САБОТА, 15.12.2012 почеток 20 Часот

Share Button

Македонско фолклорно друштво

“M A K E D O N K A“


Siemensstr. 26, 1210 Wien
Email: kud.makedonka@gmx.at
ZVR-Zahl 521132253



ПРОГРАМА ЗА ВЕЧЕРНИОТ КОНЦЕРТ КОЈ ЌЕ СЕ ОДРЖИ НА ДЕН
САБОТА, 15. ДЕКЕМВРИ 2012 год. со почеток во 20:00 ч.
Адреса: Siemensstr. 26, 1210 Wien


Почитувани љубители на македонскиот фолклор,
Со голема чест и задоволство сакаме да ве информираме дека македонското фолклорно друштво „Македонка“ од Виена ќе одржи вечерен концерт со македонски фолклорни танци , изворни народни песни во изведба на традиционални македонски инструменти.
И тоа не е се, овој пат ја имаме таа чест да ви ги представиме новите носии (од егејска Македонија) и новата кореографија „Игри од Егејска Македонија“. За првпат во историјата на КУД „Македонка“ оваа вечер ќе ви бидат представени неколку изворни ора и песни од деца солисти кои ги изучуваат народните инструменти гајда и дудук.



П Р О Г Р А М А



20:15 Отварање на концертот со македонската химна (најстарата верзија) во изведба на членови на КУД „Македонка“

20:20 Говор на претседателката на КУД „Македонка“ Др.Бети Хохштегер и поздрав до присутните гости и хрватското друштво „АНО93“

20:30 Настап мала група (од 6 до 11 год.) -Бувчанско оро и Гајдарско оро

20:45 Најава голема група, влез и настап со „Калајџиското“

21:00 Настап на хрватското друштво АНО93 со женската група, изведба на хрватски изворни песни и танци.

21:20 Настап мала група со: „Маца вода лила“на дудук во живо исполнуваат Андреј и Адријан Јакимовски и „Пајдушко оро“ исполнува Мики Гајтовиќ на гајда.

21:45 Настап голема група: ПРЕМИЕРНА ПРОМОЦИЈА НА НОВИТЕ НОСИИ И НОВАТА КОРЕОГРАФИЈА „Егејски Игри“

22:00 Одјава на концертот и завршен говор на претседателката и воедно известување на присутните гости за новоформираните секции

22:30 Сите сте срдечно поканети да заедно го изиграме „Елено моме“ во изведба на гајда од страна на Александар Арабаџиев.

После официјалниот дел на програмата продолжуваме со забавата со македонска музика во живо.
Покрај ората и песните, ќе имате и прилика да вкусите голем број македонски специјалитети кои ќе бидат приготвени од членовите на КУД „Македонка“.



АПЕЛИРАМЕ до сите љубители на македонскиот фолклор да ни дадете подршка таа вечер и салата да биде исполнета до последно место и на тој начин да им се заблагодариме на сите тие млади амбасадори на македонското културно наследство кој го негуваат и одржуваат овде во Виена.

Се побројни настапите на КУД „Македонка“ од Виена а со тоа и презентацијата на македонскиот фолклор во Австрија и пошироко!

Share Button


Почитувани,
Сакаме да ве известиме за неколкуте успешни настапи што ги имаше КУД „Македонка“ во текот на Мај и Јуни 2012 г.
И воедно со крајот на Јуни се заврши доста успешната сезона 2011/12.
————————————————————————————————————————–
26. Мај 2012 год.
Настап во МПЦО „Св.Наум Охридски“
По покана на МПЦО „Св. Наум Охридски“ од Виена за големиот црковен празник посветен на браќата Солунски рамноапостоли Кирил и Методиј, КУД „Македонка“ настапи пред својата македонска публика и со тоа ја збогати вечерта и веселбата.
Најмногу внимание и аплаузи собраа најмалите членови кои гордо и достоинствено играа во ритмот на тапанот и гајдата.
Големата група исто така се представи со веќе препознатливата кореографија на „Калајџиското“. После настапот се продолжи со заедничка веселба.


————————————————————————————————————————–
27. Мај 2012 г.
Настап во Виена, Пратер Галерија
По повод манифестацијата „Златна Плаката 2012“ која се одржа во салата на Пратер Галеријата, КУД „Македонка“ имаше свој настап и се представи со многу добар перфоманс што заработи доста аплаузи и симпатии кај присутните гости. Беше поставена кореографијата на „Калајџиското“ и „Водарки“.
Покрај КУД „Македонка“ учество земаа и други фолклорни друштва од Австрија како српското КУД„Дукат“ од Траискирхен, „ИКИ Виена“ (фолклорно друштво на Бошњаците од Македонија) и ентузијастите од КУД „Македонија 2012“ (мултикултурно фолклорно друштво од Виена каде се играат и изучуваат различни танци и ора од Балканот).
Концертот и настапот завршија во најдобро расположение а поканетите фолк ѕвезди се погрижија за добро расположение и забава. Во секој случај КУД „Македонка“ со покажаната кореографија и носии достоинствено го презентираше македонскиот фолклор.


————————————————————————————————————————–
2. Јуни 2012 г.
Настап во Крањ/Словенија
По покана на МКУД од Крањ „Св.Кирил и Методиј“ по повод прославата 20 год. од постоењето на македонската заедница во Крањ, КУД „Македонка“ од Виена зема активно учество на вечерниот фолклорен собир на 4 македонски фолклорни друштва од Словенија.
Но по ред. Сабота во 05:30 заедничко собирање и поагање со Тони Травел од Виена на кого на ова место му благодарима за дадената подршка и ангажираност околу превезот а и како спонзор на друштвото. Со песна и голема возбуда пристигнавме во Словенија и се направи една убава заедничка прошетка низ Љубљана. После тоа нашите домаќини од Крањ не превземаа и однесоја до нивните простории каде имаше заедничка средба и запознавање. На ова наше прво гостување надвор од Виена, иако имавме малку трема и несигурност игроорците на КУД „Македонка“ и кореографот Александар Арабаџиев покажаа голема зрелост и професионалност па така и нашите стравови и прашалници исчеџнаја по настапот и покажаното на бината. Скоро сите друштва од Словенија беа присутни и ги покажаја своите кореографии и со гордост може да кажеме дека и ние од Виена сме дел од македонскиот фолклор кој плени со своите изведби. Огромна благодарност и до родителите и сите кој беа дојдени и ги бодреја нашит игроорци кои рамо до рамо се носеја со нивните сонародници во Словенија. После настапот видно уморни со тешки срца моравме да тргнеме за Виена. Им благодариме на поканата и им посакуваме понатамошен успех на МКУД „Св.Кирил и Методиј“ од Крањ кои беа добри домаќини.


————————————————————————————————————————–
9. Јуни 2012 г.
Настап во Леобердорф по покана на КУД „Младост“
По покана на српското фолклорно друштво „Младост“ од Леоберсдорф КУД „Македонка“ од Виена традиционално по 3ти пат настапи на овогодишниот Мултикулти фестивал на кој учество земаа повеќе друштва од Долна Австрија и Виена.
КУД „Македонка“ се претстави со неколку ора и сплета а најголемо внимание и симпатии привлекоја најмалите членови на КУД „Македонка“


————————————————————————————————————————–
9. Јуни 2012 г.
Настап во Виена, по покана на КУД „Бамби“
По покана на КУД „Бамби“ од Виена, КУД „Македонка“ зема учество на фолкорната вечер која во организација на српското друштво се одржува секогаш на крајот на сезоната. Вечерта беше збогатена со гости од Р. Србија од околината на Панчево а како специјален гостин беше поканета Снежана Бабиќ- Снеки.
И овој пат настапот на КУД „Македонка“ ги воодушеви присутните гости а игроорците си го заработија највредното аплаузот од публиката.
Вечерта и прославата траеше до доцните часови и после фолклорниот дел се продолжи со заедничка забава.


————————————————————————————————————————–

15.6.2012 год.
Настап на Васервелтфест
Како и секоја година во изминатите 10 год. така и овој пат традиционално кон крајот на Јуни се одржа овогодишниот Васервелтфест во организација на 15. Бицирк и МА17 од градот Виена. Македонската културна заедница од Виена кој секоја година е застапена со свој македонски штанд секој пат
се представуваше со македонско фолклорно друѓтво, првите години со друштва од Македонија а еве веќе по трет пат учество зема КУД„Македонка“ од Виена.
Овој пат местото не беше вообичаено како секој пат на Мајзелмаркт него поради реновирање беше дислоцирано на Фогелвајдпарк во близина на Лугнерсити и Штадхале.
Денот се погоди прекрасен сончев, топол и македонскиот ѓтанд беѓе навреме поставен во 16:00 часот на кој се нудеја традиционални македонски специјалитети и пијалоци.
Како и секој пат така и сега љубопитните минувачи и посетители не можеја а да не пробаат од македонското тавче гравче, сарма, разни пити итн…
Точно во 19:40 на публиката се представи најмалта група на КУД „Македонка“ кој го изиграа Гајдарското оро и Пајдушкото.
Првата постава се представи со ора од егејска Македонија и „Водарки“.
Организаторот и посетителите беа видно возбудени и задоволни од прикажаниот македонски фолклор а после на крајот се изигра и едно големо заедничко македонско оро со сите присутни.


На 5ти Мај 2012 год. во салата на Македонската културна заедница „Св.Наум Охридски“ од Виена во организација на КУД„Македонка“

Share Button


*КУД „Македонка“ од Виена*
*КУД „Братство“ од Росоман/Р.Македонија*
*КУД „Младост“ од Леоберсдорф/Долна Австрија*