РЕДОВНО ИЗБОРНО ГОДИШНО СОБРАНИЕ НА МПЦО Св.Наум Охридски- Виена Недела 12 часот, 25. Март 2012 год.

Share Button


Почитувани верници,
Драги парохијани на црковната општина,

Сакаме да ве информираме дека во Недела, на 25ти Март 2012 год. со почеток од 12 часот ќе се одржи годишно собрание на МПЦО Св.Наум Охридски од Виена.
Управниот одбор АПЕЛИРА до сите македонски фамилии, до сите заинтересирани и симпатизери на МПЦ, да дојдат и активно да земат учество во работата на црковната општина во Виена. На кратко за дневниот ред кој додатно ќе биде потврден:

Дневен ред:
* Поздравување на гостите и отворање на собранието од страна на претседателот на УО.

* Избор на работно раководство кое ќе раководи со годишното собрание спрема протоколот.

* Финансиски извештај за изминатата 2011 год. од страна на благајникот и претседателот.

* Извештај од страна на претседателот за остварените проекти и идни планирани зафати.

* Краток извештај и резиме од страна на секретарот за изминатата 2011 год. за остварените контакти и други дејности на МПЦО.

* Краток извештај на надѕорниот одбор за извршените контроли во текот на 2011 год. во МПЦО Св.Наум Охридски.

* Предлог и избор на кандидати за членови во новиот Управен Одбор на МПЦО Св.Наум Охридски

* Разно (прашања и дискусии)

* Затворање на годишното собрание

Исто така и DO&CO ќе се погрижат да не останеме гладни
ќе ни подготват ГРАТИС Бифе да замезиме 🙂


.
.
.

Прослава „8ми Март“ 2012 година

Share Button
По повод интернационалниот ден на жената „8ми Март“, во Сабота на 10ти Март 2012 год. во салата на мпцо Св.Наум Охридски голем концерт и забава со македонската естрадна ѕвезда НОВИЦА Василевски !!! . Дамите ќе добијат цвеќе, скромен козметички поклон а исто така за дамите во картата е вклучен и еден пијалок гратис. Пожелно е навреме да си ги купите картите и со секоја однапред купена карта… да си резервирате место за таа вечер за вас и вашата придружничка/и. Местата се ограничени така да преднос имаат оние кои навреме до 5ти Март ќе си ја купат картата ќе им биде и местото резервирано.
Се надеваме дека и оваа година најдовме соодветен уметник за оваа традиционална вечер и ве покануваме заеднички да им оддадеме почит на жената и таа вечер да помини во духот на рамноправноста. Влез 10 ЕУР, за деца и младинци до 18 год. влезот е бесплатен.


♥♥♥♥♥ *** МАСКЕНБАЛ 2012 *** ♥♥♥♥♥

Share Button

На 18.02.2012 со почеток во 15 часот
во просториите на мпцо Св. Наум Охридски на Siemensstrasse 26, 1210 Wien
се организира МАСКЕНБАЛ за големи и мали.

Програма: Детски Песнички, заеднички игри, Куклен театар …
Секое дете ќе добие бесплатна крофна и богата домашна трпеза за возрасните.

Пријавување и информации на тел: 0676/5299883 или 0664/6622298

Осветена црквата Св. Наум Охридски во Виена

Share Button

Митрополитот Европски г.Пимен на големиот народен собир што се одржа вчера, ја освети црквата “Св.Наум Охридски” во Виена, со што и официјално македонската заедница во австриската престолнина доби свое духовно светилиште.

На чинот на осветувањето присуствуваа преку 300 Македонци кои живеат и работат во Австија, како и бројни гости меѓу кои и македонската амбасадорка во Виена, Весна Борозан, дипломати и претставници на ОБСЕ.

– После многу години макотрпна работа дојдовме до парче македонска земја во Виена и сега официјално веќе на тоа тло има Македонска Православна Црква, истакна претседателот на црковната општина „Св. Наум Охридски“ во Виена, Димче Лазоски.

Црковното земјиште МПЦО „Св.Наум Охридски“ го купи неодамна од диоцезата за сума од 400.000 евра, средства кои ќе бидат донирани од сите македонци кои живеат и работат во Австрија.

Од формирањето до денес МПЦО „Св. Наум Охридски“ успешно функционира борејќи се за интересите на македонската заедница во Австрија. Паралелно со МПЦО регистрирана е и Македонската културна заедница која е одговорна за организација на културниот, образовниот и спортскиот живот на македонците. Покрај тоа, таа организира и дополнителна настава на македонски јазик за најмладтите Македонци, со што се одржува важна врска со родната земја на нивните родители.

Македонската заедница во Виена стана сопственик на вреден црковен имот

Share Button

Македонската православна црковна општина -МПСО „Св.Наум Охридски“ од Виена стана сопственик на 1400м2 земјиште со 2 објекти кое се наоѓа во центарот на австриската престолнина, пренесува „Ohridnews“.

Црковното земјиште МПЦО „Св.Наум Охридски“ го купи неодамна од диоцезата за сума од 400.000 евра. Одлуката за купување на земјиштето едногласно била донесена на годишното Собрание што се одржа на 21.03.2009, на кое било договорено овој имот да биде купен со доброволни прилози кои ќе бидат донирани од сите македонци кои живеат и работат во Австрија.

„Оваа иницијатива за купување на црковен имот е покрената уште во 1998 година кога не успеавме да ја реализираме замислата поради ветото кое го наметна грчкиот владика Стајкос во диоцезата“, вели Димче Лазовски – претседател на МПЦО „Св. Наум Охридски“ во Виена. Оваа одлука не не’ обесхрабри туку напротив ја продолживме иницијативата и по бројни контакти и лобирања кај надлежните во диоцезата, кои траеа 10 години, успеавме дефинитивно да ја реализираме замислата, додава Лазоски.

Од 1992 МПСО „Св. Наум Охридски“ за секој поголем верски празник во Виена поканува свештеник од Македонија кој богослужбите ги одржува во изнајмени цркви. Конечно со купување сопствен имот македонската заедница во Виена која брои повеќе од 300 фамилии, верските обичаи ќе може да ги изведуваат во православен храм кој наскоро ќе биде адаптиран. Црквата ќе го носи името на големиот светец Наум Охридски, а ќе биде осветена во септември.

Од формирањето до денес МПЦО „Св. Наум Охридски“ успешно функционира борејќи се за интересите на македонската заедница во Австрија. Паралелно со МПЦО регистрирана е и Македонската културна заедница која е одговорна за организација на културниот, образовниот и спортскиот живот на македонците. Покрај тоа, таа организира и дополнителна настава на македонски јазик за најмладтите Македонци, со што се одржува важна врска со родната земја на нивните родители.

извор: Оhrid News